!! إزاى تكتشفى ان ابنك سى بى
فى الحقيقه ممكن متكتشفيش لو متعرفيش ...الموضوع ساعات بيكون مش باين خاااالص ....وساعات بيكون فيه انكار ...الواحد مش قادر يتخيل أنه ابنه تعبان تعب مزمن ..الله طب هعرف ازاى طيب وابدأ فى علاجه!!! ...انا شخصيا هقول تجربتى كبلسم.....
...انا وكريم معرفناش أن فجر سى بى غير بعد سنه ونص من ولادته ...كان طفل مبتسر ...ومبتسر دى معناها مولود قبل معاده ...ودخل الحضّانه ....وفجر اتولد قبل معاده بشهرين ....ودخل الحضّانه شهر والحقيقه كمان أن فجر متولدش بمزاجه ...دى كانت مآساه ....كنت بعانى من ورم ضخم فى ضهرى وقت حملى فيه وضغط الورم ده على نخاعى المستطيل ...وعمللى شلل شبه كامل لجسمى ...وكنت فاضلى ايام واتشل نهائى ...وكان لازم الورم ده يتشال...وعشان يشيلوا الورم ده هخضع لعملية جراحيه دقيقه جدا ممكن تاخد من ٧ ل٩ ساعات ازاى هنام على بطنى كل الوقت ده والولد جوا وبنج كلى وجراحه فى العصب وممكن احتاج لشرائح ومسامير لو الجراح خبط فى العضم كمان ...وكان القرار اللى خدناه أن لازم فجر ينزل الأول بنصيحة كل الدكاتره وأنه سليم معافى مش محتاج غير شوية وقت فى الحضّانه علشان رئته ... وفعلا فجر نزل بعملية قيصريه ...وبعدها بأربع ايام عملت العمليه ...
يتبع.....