#يوميات_فجر٢
وفى حموتها بردوا ...يالا بينا نبدأ اليوميه التانيه ...ونقول بسم الله ...
يعنى ايه سى بى cp؟؟؟؟
...دول حرفين اختصار لكلمة طويله ..Cerebral Palsy
معناها الشلل الدماغي ....يا ساتر يارب ...شلل دماغى ....اه شلل دماغى زى شلل الإيد والرجل والجسم ...ده خلل فى خلية من خلايا المخ مسئوله عن فعل من الأفعال ...زى ..الحركه الصغرى ...الحركه الكبرى ...وساعات بيكون كل دول أو متركز فى حاجه واحده فيهم وممكن تأثر على الباقى ...طب شكله ايه يعنى الشلل الدماغي ده!! ..بصوا ...مش انتوا ساعات بيكون عندكوا على الديسك توب على اللاب توب ايكونز كده ديمت ..يعنى مُعتمه ...شورت كت يعنى ....الخليه بتكون موجوده فى المخ ...بس مطفيه مش بتعمل شغلها ....سبحان الله العظيم ...له فى خلقه شئون ...فجر عنده الجزء المُعتم ده هو المسئول عن الحركه الكبرى ....يعنى المشى وضعف فى الجذع والحركات الاراديه فى الرجلين القدم والساق ...وطبعا ضعف بسيط فى الايدين لأن العضلات كلها ماشيه مع بعض ....وخلينا بقى نكتب تعريفه علميا بعد ما فسرناه...

الشلل الدماغي هو مجموعة من الاضطرابات التي تؤثر على الحركة أو التوتر العضلي أو وضعية الجسم. ويحدث نتيجة حدوث تلف بالدماغ قبل اكتمال نموه، غالبًا قبل الولادة.
تظهر المؤشرات والأعراض خلال فترة الرضاعة وسنوات ما قبل المدرسة. وبصفة عامة، يسبب الشلل الدماغي خللاً في الحركة يكون مصحوبًا بردود أفعال مبالغ فيها أو ارتخاء أو تشنج في الأطراف والجذع، أو وضعية غير طبيعية للجسم، أو حركات لاإرادية، أو عدم الاتزان أثناء المشي، أو مجموعة من هذه الأعراض.
وطبعا بعد الكلام الكبيير ده
...أحب أقولكوا إنه بإختصار شىء مختلف شويه عن الطبيعى ...بس كده ...مش كيميا يعنى 
....ودايما أى شخص عنده شىء مختلف بيبان ويظهر 
...والإنسان العادى الطبيعى بيكون عادى ..









لكن الحمد لله إحناعندنا إنسان غير عادى 










....












فى اليوميات الجايه هحكيلكوا بقى إحنا عرفنا إزاى إن فجر مش عادى ...وهنبدأ سوا رحلتنا ....
يتبع....